كيف تكون صايع جرب وما راح تخصر

الشباب:

اذا بدك تصير صايع عليك بالخطوات التالية:

1-مطرود من المدرسة مش اقل من 5 ل 10 مرات تودي ابوك

2-صوت خشن لازمك ملبورو لايت

3-شعرك لازم تحلقو مرينز ع الزيرو و تحط جيل ع قد ما الله بعطيك

4-و انت ماشي بالشارع عينك مفتوحة قد طنجرة الضغط والي بجحرلك العن الي نفضو

5-لازم تعمل سوابق عندك بالشرطة يعني ضرب حجار تغلط ع الشرطةالخ الخ

6-اهم شي تربي خاواه و تدعس ع الراس الكبير وين ما كان

7-لازم و انت بتحكي تمد بالكلام مش تحكي بابي و مامي هيك بستفقعوك

8-لازم تصير تشرد من المدرسة او الكلية او الجامعة او الي انت كل صبح بتصحى عشانو و تروح تداوم عند مدارس البنات

9- لازم و ضروري تصاحب بنت مشكلجية تاعت مشاكل و من مدرسة سمير سعد الدين والصلاحيه عشانا تمشي معها بالشارع ولي بتطلع عليها تكسر عينو و تضربو سكينة ب ايدو الشمال

10-لازم يكون معك دايما وين ماكان اقل شي سكينة 6 اصابع وموس كباس و اذا كنت بمنطقة زعران لازم الكلاشنكوف يكون عصدرك جاهز

11-ايا حدا بتلاقي ببحلق فيك فيك او مش عاجبو منظرك شدو من بلوزتو و حطو ع الحيطة و بلش في كفوف وبكسات

12-لما تكون ماشي بشارع صلاح الدين افرد صدرك و قوي عينك و اشتري رد بول او بور هورس و بس تخلصها ارميها ع وراه و قول النظافة من الايمان

13-ابـوك ابوووك هادا انسان لازم تمشي معو و تخليك انت وياه زي الصحاب ولا بتروح عليك لما يتصل عليك قلو ايش يا حج ياكبير كيفك خليك انت وياه صحاب دايما عشان بس يشدك و انت بوضع مش طبيعي ما يحكي لحدا

14-اهم شي مش لازم تصاحب شباب او بنات هفايا لازم تصاحب الشباب الي بتحشش ع عينك يا تاجر (خربت لحكاية)

15-اخر اشي وين ما تكون لازم يكونلك صوت و مش اي صوت يعني بس تيجي تحكي الكل يسكت







قسم البنات

كيف تصيري صايعة(زعره) في 10 ايام..

1-امشي بالشارع و شعرك معمول كرية او مفرود

2-ما تشتري غير شناتي ديزل

3-اذا بيجي شب يحكي معك افتحي صوتك في بنص الشارع و افضحي بين العالم

4-يا واطي يا حقير يا عديم الانسانية .. هدول الكلمات انسيكي منهم استعملي اشي اقوى

5-لازم تروحي ع مدارس الشباب الصلاحيه الملك طلال عمر بن العاص تزبطي شباب

6-مطلوب يكون معاكي جوال جيل تالت و مشط و ميك اب قلق اخر صيحات الموضة

7-ازا كانت معك رخصة جيبي بي ام دبليو كشف

8-و انتي ماشية بالشارع و لقيتي شباب لفي وجهك و قولي بس تصيرو زلام تعالو وراي بخليش اولاد يلاحقوني خلص زيحو عني مشان الله وسختو سمعتي

9-لازم تكوني متسجلة بهدول المدارس:مدرسة بشير الريس,مدرسة سمير سعد الدين, ,مدرسة كمال جنبلاط

10-لازم ع شنتتك يكون في دبدوب و راس قلب و اسمك مكتوب بالتبكس

11-لما تزهقي ومش عارفة شو تعملي روحي ع كوفي شوب و ولعي سيجارة و امسكيها ب اطــراف اصابعك

12-لازم ع اصبعك الوسطاني يكون خاتم نــــــــــاعم و علي خرزة صغير بتلاقي زيو في البسطات حقو 10 شيكل

13-اسلحتك:الخاتم الناعم ابو خرزة مبروزة,اقشاطك(السير) الخميل,بكلة الشعر الكبيرة,المشط,و الكعب العالي عشان تضربي الشب الي بلحقك

14-بالصف اذا المعلمة بتخلكيش تشاركي قومي و اقبلي الدرج عليهاا
15-نغمة جوالك لازم تكون عالية و اخر موديل